Thora wakt aur lete ana

Iss bar jo tum aao
To Thora wakt aur lete ana..
Pichle bari ki tarah.
Jane ke liye mat aana….
Iss bar jo tum aao
To theher jana..
Meri sari batein
Sunne ke lea Thora sa ur waqt
Lete ana..
Shayad Mai tumse Ruth jau
Toh samajh Jana
Ki mai kuch pal aur chahati hu ..
Iss bar jo tum aao
Toh Thora wakt aur leke ana..
Jo lamhe hum phone ki baton me jite hai
Unhe pura karne ke lea ana.
Hamesha watsap pe jo photos ko kiss kia karte hai.
Wo hakikat me karne ke lea ana..
Mere assu jo tum poch nai pate ho
Unee pochne ke lea eak rumal sath Lana.
Humari adhuri baton ko pura karne ke lea.
Thora sa wakt aur lete ana..
Tumhari har muskan ko dekhne ke lea
Jo ghanto video call pe rehti hu mai
Wo muskan apne hoton pe lete ana
Iss bar jo tum aao na
To fir wapas mat jana..

Bachpan

Bachpan mein sweet hoti hai tofees, baad mein wahi hoti hai diabetes.

Ek foot se paanch foot kab ho gaye, lamhe woh khel ke jaane kaha kho gaye, School se college mein enter ho gaye, jaane kab hum bacche se bade ho gaye.

Jaane ab kab hume koi children’s day wish karega, Chocolates aur tofees gift karega, Baarish mein bheegne se koi daantega nahi, uss bachpan mein jaane ka kya koi raasta nahi.

gilli danda se kyu hui hai ladai, langdi taang se bhi ho gayi hai vidayi. Classroom ki jagah college ki canteen mein so gaye, jaane kab hum bacche se bade ho gaye.

Jaane ab kab koi humein mitti khane par marega, . shayad hi ab humein koi pyaar se tang karega, jaane kab ab koi takiye ke peeche toota daant chupaayega, jaane ab kab hamare paas bhi santa claus aayega, Pata nahi ab hum kab dusro ka tiffin khayenge, Aur class ke bahaar bunk karne jaayenge. Dekhte hi dekhte junior se senior ho gaye, jaane kab hum bacche se bade ho gaye

Jaane kab hum classroom ke bahaar khade hone jaayenge, Jaane ab kab hum garden mein test paper chupaayenge, . pata nahi ab kab hum birthday par naye khilone laayenge, Aur apni galti par situps lagayenge, har lamhe ko jee jaane ki shakti thi, uss bachpan me hi sabse jyada masti thi.

Par wo lamhe savi chhut gae, ab ham bacche se bade ho gaye..

Ek khayal

Ki aaj bhot zamane baad kagaz aur kalam uthaya hai..
Aaj kuch 2 shadb tumhare bare mei likhne ka khayal aya hai..

Kehte hai jevan k is safar mei musafir bhot milenge
Par tum woh musafir ho jisko humne apne palko par bithaya hai

Tumne baar baar toka, aitraaz bhi jataya hai
Par yeh kambhakhat dil tumhari us muskaan par mar aya hai..

Yeh jante hue bhi , ki kal hum ajnabee na ban jaye
Woh darr ko hosla banakar tumse pyar krna tumhi ne to sikhaya hai..

Mana ki shayad is janam hum tum sath na ho..
Par mohbaat ne janmo janam ka gathbandhan karaya hai..

Chalo to kya hua agar tum mere naseeb mei nhi
Par tumko khush dekh kar , khush hona bhi to pyar ka hi saya hai..

Ki aaj bhot zamane baad kagaz kalam uthaya hai
Aaj kuch 2 shadb tumhare bare mei likhne ka khayal aya hai…

Jana na kahi dur

Yaad krna kabhi mujhe us paar jaake,

Milne aajaungi me apni zindagi bhula ke.

Is duniya se pare is zindagi se aage,

Miluṅgi me tumhe khud ko miṭaa ke.

Jahaṅ milte haiṅ saaye, jahaṅ bikharti hai Roshini.

Waha beetegi humari baaki ki zindagi.

Miluṅgi me vaha, jahaṅ koi shor nahi.

Honge Bss tum aur me, koi aur nahi.

Intezaar krna mera me aauṅgi zarur.

Shayad der ho jaye, pr tum jana na kahin dur.

Alag si khwaish

Pariyon ki kahani dekhna meri bahut buri aadat hai
Ye namumkin se khwab mere liye kifayat hai

Iss betuki asli duniya se me koso dur hu
Kya Karu dosto aadat se majboor hu

Is Aasman ko gulabi aur Chand Ko bedag dekhna chahti hu
Jwalamukhi me choco aur Paani me aag dekhna chahti hu
Jo kabhi pure na ho aise namumkin se khwab dekhna chahti hu

Safed pankho wala ek khubsurat ghoda ho
Chocolate ka bana ek Chhota sa Ghar ho
In chehchahane wale chhote chhote parindo se
Kisi tarah baat karna chahti hu
Jo kabhi pure na ho aise namumkin se khwab dekhna chahti hu

Kaha ho

In yaadon ka kya karoon, jab tum hi nahi ho,

Ye shehar bhi gum sa gaya hai, jab se tum gaye ho,

Aisa bhi nahi hai ki kahin se dhund laayein tumhe, ya kabhi mil paayein,

Badi ajeeb si Bechaini hai ye, jo chahti toh hoon banyaan krna, pr kr nahi pa rahi,

Apne kalam se toh kai jazbaat zahir kiye hain, pr is waqt shabdon ka chayan bhi nahi ho pa rahi,

Chikhna toh chah rahi hoo, pr uff tak nahi nikal rahi zubaan se. Laakhon sawaal liye khadi hoon, pr ho tum kaha pe. Pr ho tum kaha pe!

Tere liye

Aaj subah uska phone aaya
Mammi ne phone uthaya
Aur speaker par lagaya

Kamini chillakar boli, “college jaldi aaja tera crush hai aaya.”
Mammi ka lal chehra dekhkar Mai sirf itna keh saki
“Jaldi phone rakh de yaha
yamdut hai aaya.”

Mammi ne kaha gusse se,
“Ye kaise dost hai tumhare.”
Mene bhi keh diya unse,
“Ye to farishte hai Hamare.”

Mene kaha dost mere,
“mere liye nemat hai.”
Mammi muskurakar boli,
“Dosti tumhari Qayamat hai.”

Yun to mere dost bahut kam hai.

Kyunki sacche dosto ki Chahat rakhne wale ham hai.

Vaise dost mere mamuli imsan hi hai

par phir bhi ham to ham hai aur baaqi sab Paani kam hai

Apna sa koe

Har rishton ke nam ho,Zaruri to nahi…Aap khass ho mere liye,Pr ye pyaar ho zaruri to nhi…

Log to kae baatein banate hai,Pr mujhe pta hai, aap sirf mujhe padhate hai…

Aap kehte ho, apke liye savi bacchi hai,Par ek baat kahu?…Apki aawaaz sachi me bahot acchi hai…

Aap jab gate ho to sab bhul jati hu,Pata nhi kyu, kaha kho jati hu….

Apse baatein ki to lga, mil gya koe apna ,Sach me hai ye hua,? Ya tha koe sapna….

Aap jab padhate ho, dhyan se sab sunti hu,Are guys! Koe to kuch bolo, bas yahi bat pe marti hu…..

Mujhe pta hai, apko krna hai perfect har kaam…… Jo dekhi maine MAHABHARAT, KRISHNA LEELA jan pae kyu pyaare hai apko shyaam…

Apko pta nhi, pr aap bahot acha padhate hai………. Pr jab aap hote ho gussa, to bacche kya bade v dar jate hai…..

Kvi nhi sochi thi, ki koe aesa mil jaega…….. Jo teacher pehle, Dost bad me ban jaega…

Pta hai? Number to sabke pass hai,Pr call nhi krta koe.. Birthday ho ya anniversary, group me wish karta har koe…

Kehne ko to savi sath hai , par sath nhi koe..Mile hue hui bas ek rat, par lagte ho apne koe…

Adhuri kahani

Kehene ko toh hum aaj bhi zinda hain..
Par na jaane kyun zindagi se kuch ajeeb si duri hai..
Sochte hain ruk kar ki ek lambi neend so jaayien..
Par jo bhi ho yahan yeh saasien lena bhi zaruri hai..
The kabhi jo humari sabse badi taakat..
Woh na chah kar bhi aaj bas ek kamzori hai..
Chal rahe hain saath bankar aaj bhi woh parchaayi..
Par phir bhi na jane kyun ajeeb si ek duri hai..
Mana chalte chalte gir pade hain hum..
Par gir ke uthna bhi toh hamesha hi zaruri hai..
Umeedon ki kirne toh aaj bhi zinda hain..
Bas yeh kaale badal chatne ki si duri hai..
Dil mein baaton ka toh jaise koi toofan daba hai..
Phir khamoshi aaj bhi kyun dono ki majburi hai..
Thama tha jo haath piche kisi mod par..
Usse chod dena kya aaj itna zaruri hai..
Jo beet gaya woh kal tha adhure sapno ka ek pal tha..
Par kal aane waale sapno ko jeena bhi toh zaruri hai..
Galtiyaan toh dono se har mod par hongi..
Par samajhdariyaan bhi toh kuch teri kuch meri hain..
Ek bar zara phir yakeen karke toh dekh..
Zindagi hum dono ki is saath mein hi poori hai..
Shor ki awaazien chahe kuch bhi keh jaayien..
Sach toh bas yeh hai ki yeh kahani abhi adhuri hai..